POR QUÉ Y CÓMO HACER HISTORIA ORAL EN LA HISTORIA LOCAL

Hai máis de dous mil anos, Tucídides iniciaba con estas palabras a súa Historia da guerra do Peloponeso e ao anunciarnos que nos ía contar o sucedido de forma verídica e imparcial recorrendo á historia oral, co que podemos decatarnos todos da antigüidade desta forma de facer historia, xa nos advertía que esta forma de saber da verdade histórica era un coñecemento ao que se chegaba con moito traballo e non poucas dificultades. Pero, antes de falar das dificultades e inconvenientes que formula a historia oral, quero dar algunhas razóns que poidan convencer da validez desta forma de investigar e de contar a historia aos que se acheguen a estas páxinas.